La “Folixa de Navidá” consolídase na so quinta edición con nuevos collaboradores. Amás de l’Asociación Cultural Garabuxada, Estaya de la Llingua d’Avilés (responsable d’esti actu), quixo incorporar a esta gran fiesta navidiega infantil a otros dos collaboradores: a la Federación d’Asociaciones Xuntaza Avilés y al Teatru Santa Bárbara de Llaranes.
D’esti eventu que se va cellebrar esti vienres 13 d’Avientu na Casa La Cultura d’Avilés y del III Cortexu’l Nataliegu que se cellebra’l viniente llunes 23, vamos contautar con Montse Machicado que ye la responsable de la Estaya de la Llingua nel Conceyu Avilés.
