Esti xueves 11 d’agostu presentóse nel pabellón del Ayuntamientu Xixón na FIDMA, el pallabreru de la hípica, del que ye autor Isidro Suárez Rodríguez.
Nel actu tuvieron presentes Monserrat López Moru, conceyala d’Educación y Cultura, Jesús Martínez Salvador, conceyal de Turismu, Deportes, Festexos y Xuventú, l’autor, Isidro Suárez Rodríguez, el xinete Eduardo Pérez Lastra, la responsable de la Oficina de Normalización Llingüística, M.ª Xosé Rodríguez López y la Xefa de División, Herminia Bermúdez Patón.
Esta obra, que lleva un saludu d’Eduardo Pérez Lastra, el primer xinete asturianu campeón d’España de Saltu d’obstáculos, ye una nueva publicación de los pallabreros temáticos de la Oficina de Normalización Llingüística venceyaos al mundu del deporte, nesta ocasión a la hípica, que tan enraigonada ta na sociedá xixonesa .
Nelli faise un percorríu poles distintes disciplines ecuestres, los oríxenes de la equitación y la hípica en Xixón.
