La nuesa radio

Iniciativa pol Asturianu nes ondes:

Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radio d’Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde puen sentise entrevistes, noticies, anuncies, etc que surden alrodiu l’asturianu.

As entrevistas:

As nosas entrevistas coa xente del Occidente d’Asturias

Entrevistes n’InfoAsturies

InfoAsturies ye un proyeutu asturianu d’información alternativa, de recopilación, difusión y xene… ración de noticies. Una ferramienta que quier ayudar a francer el bloquéu, la manipulación y criminalización que los medios de comunicación capitalistes y españolistes exercen contra la información xenerada polos movimientos combativos y críticos col sistema. Dende’l so aniciu intenta avanzar haza un proyeutu ca vuelta más participativu, interactivu y plural. Ye por ello que nesta nueva versión les persones y coleutivos rexistraos van poder asoleyar noticies y artículos nuna estaya d’Espublización Llibre, tener un perfil y una páxina propia coles sos publicaciones, comentar les noticies o espublizar eventos na Axenda. D’esta manera, toos y toes aquelles persones que se quieran implicar en mayor o menor gráu nesti proyeutu d’información alternativa cunten coles ferramientes afayaíces pa ello.