Marcos Costales, encargáu d’ Atopa

Güei aldericamos con Marcos Costales, encargáu d’iguar el nuevu buscaor web n’asturianu que tien el nomatu d’Atopa.

“Desendolcar Atopa surde d’una necesidá personal d’alcontrar información alrodiu Asturies y n’asturianu”

“El software llibre quier dicir que nun ties torga pa usalu y ye de baldre. Camiento que la nuesa Alministración Asturiana tenía d’introducilo más de lo que ta faciendo”

“P’averate a los programes d’usu llibre pues dir instalando dellos preseos como Mozilla Firefox, Open Office y otros qu’amás tan disponibles n’asturianu”

“Prestóme enforma nel so tiempu’l percélebre buscaor Úlos y Atopa vien siendo la so versión meyorada d’anguaño”

“Voi centrame nel desendolcu de la páxina web porque programar pa la montonera sistemes operativos qu’hai disponibles, ye una lloquería”

“Toi perarguyosu del torgafueos qu’igüé cuantayá nomáu Gufw porque tien millones de veceros”

“Lo perimportante nos nuesos tiempos pal nuesu idioma ye que ta disponible na rede nuna montonera llugares y la xente pue sentilo cuando-y peta”