Esposiciones “Mirar nun espeyu 25 años d’arte mozu n’Asturies” y “Ciudá de vacaciones…” en Xixón

El Centru de Cultura Vieyu Institutu Xovellanos de Xixón tien abierta estos díes  la esposición “Mirar nun espeyu. 25 años d’arte mozu n’Asturies”
La esposición axunta obres de trenta de los 166 artistes que, a lo llargo del so primer cuartu de sieglu, participaron na Amuesa d’Artes Plástiques del Principáu d’Asturies.
Na esposición, según el so comisariu, Luis Feás Costilla, «pueden atopase cuasi toles técniques y tolos estilos del arte actual. Hai pintura, vidiu, aiciones artísitiques, semeyes, dibuxos y animación, anque non escultura, vencida y arrumbada pola instalación y los montaxes d’oxetos.
La idea de la esposición yera escoyer 25 artistes, pa que coincidieren col númberu del aniversariu, pero a la fin hebo qu’añadir cinco más, al tornase la esbilla demasiao curtia con 25.
L’apertura al públicu d’esta esposición tuvo llugar nel marcu del programa de les actividaes de la Nueche Blanca, que tuvo llugar en dellos espacios culturales de Xixón el pasáu vienres 25 de setiembre, y podrá visitae hasta l’8 de payares.