Domingu de Sidros y Comedies (Valdesoto 2016)

Valdesoto cellebró esti domingu, 10 de xineru, el so tradicional “Domingu de Sidros y Comedies”.

Como cada añu, echáronse dos comedies. La primera representada polos escolinos de la escuela Fa​y​es que representaron “Vivamos en Paz” de Pergentino Martínez y la de los adultos “Valdesoto ta de comedia” de José Ramón Oliva.

La comedia ye una pequena representación teatral que trata distintos temes d’actualidá del pueblu, d’Asturies o del restu del estáu. Esti añu, el robu d’una televisión que teníen los xubilaos nuna sala del centru polivalente, foi unu de les temes principales.

Falóse tamién de les inundaciones que cortaron la carretera que xune Valdesoto con Carbayín Baxu en marzu de 2015. Na comedia recuperóse la barca qu’un vecín de Valdesoto utilizó pa cruciar la carretera. Otros de les temes que se trataron foron les eleiciones, del cura de Carbayín y Valdesoto, los premios al pueblu exemplar de los Premios Princesa d’Asturies, la fallida xubida de sueldu del alcalde, la venta del coche oficial del conceyu y los ascensos del Sporting y del Uviéu​ amás de facer una crítica a la felicitación del Presidente del Principáu en 14 llingües ente les que nun taba l’asturianu.​

Tola comedia completa ta disponible na web del nuesu grupu multimedia conocerasturias.es