La televisión y radio on­line 100% n’asturianu “Alderiques d’Asturies” va iguar un reportaxe al rodiu l’Estáu Plurinacional de Bolivia.

De magar 14 díes, el so direutor Samuel Gradín viaxará per esti país andín, dende esti viniente llunes 13 fasta’l 28 d’ochobre, onde fará delles entrevistes con estremaos convidaos/es colos qu’afondará na realidá social, política y económica de Bolivia.

L’envís del mesmu ye ufiertar a los/es asturianos/es un material audiovisual novedosu amás d’amosar un llugar del que nun mos aporten munches noticies.

El citáu reportaxe espublizaráse en dos versiones, una en castellán y otra n’asturianu pal so espardimientu tamién pel continente americanu.

Asinamesmu, a lo llargu la so estancia en Bolivia, Samuel Gradín, ufiertará delles cróniques dende’l terrén coincidiendo cola victoria del Presidente Evo Morales, qu’afronta’l so tercer mandatu consecutivu.

Pa más información, tamos disponibles nel corréu lletrónicu: contautu@alderiques.com.